Afmælispartý

Á laugardaginn hélt ég uppá afmælið mitt. Það var drukkið og djammað fram á nótt, við bjuggum til bollu og svo gekk Tim um með Jagermeister flösku sem hann keypti í tollinum og tilraunaglös og hellti uppí fólk. Ég fékk pakka !!! :) Tryggvi gaf mér mjög fyndna bók sem kennir manni að búa til andlit og dýr og svoleiðis úr ávöxtum og grænmeti. Hún heitir "Play With Your Food" og vakti hún mikla lukku í partíinu. Aníta og Birgit gáfu mér rosalega gott rauðvín sem ég ætla að geyma, þið vitið svona... for a special occasion. Helga gaf með geðveikan bol og svo gaf Tim mér svona plagg í myndaramma sem er stílað á mig og það stendur hvernig þeir sem eiga afmæli þennan dag eru. Eitthað svona numerology/stjörnukorts dæmi. Gummi tískulögga gaf mér síðan tvö belti. Um klukkan þrjú var haldið niðrí bæ, við fórum á Pravda, við splittuðumst öll upp nema ég og Gummi, við hittum Ellu gellu og fórum að djamma með henni.

Í gær, sunnudag, kíkti síðan familían í heimsókn. Ólöf frænka og sætu krakkarnir hennar gáfu mér andlitskrem og svo fékk ég pening frá ömmu og afa. Ég á að kaupa mér eitthvað fyrir það, en þar sem fjárhagurinn okkar er uppí rassgatinu á belju þessa dagana verður lítið um það, ég held að þetta eigi því miður aðallega eftir að fara í mat og bensín.