Myndir í febrúar

Við fórum á árshátíð flugfélagsins á Akureyri laugardaginn 19. feb, tókum nokkrar myndir á Akureyri en engar á árshátíðinni sjálfri.

Ég var að passa Júlíu Heiði massadúllu um daginn og tók nokkrar myndir af henni:

Brækur og tískulöggan

Nú er loksins komin á stokk alvöru tískulögga. Sko ein vinkona mín kallar það sem ég kalla nærbuxur alltaf brækur og g-streng kallar hún strengjabrók. En nóg með það. Mér finnst ótrúlegt hvað stjórnvöld (í þessu tilviki í USA) leyfa sér stundum að vafsast mikið inn í líf fólks... Las ég þessa grein á mbl og varð mjög hissa. Nú er málið það að þingmenn í Virginíu vilja banna það að nærbuxur sjáist upp úr buxunum. Eins gott að vera bara ekkert í nærbuxum ef maður fer til Virginíu, allavegana ekki ef maður er í lágum buxum og ætlar eitthvað að vera að teygja sig fram eða eitthvað. Ekki taka sjensinn á að vera hent í steininn.

Afmæli og letibloggið mitt

Nú er meira en vika liðin síðan ég skrifaði síðast á þetta æðislega blogg, margt skemmtilegt hefur drifið á daga mína, ég var reyndar hálf slöpp alla síðustu viku og nennti ekki miklu. Ég fór nú samt út á miðvikudaginn með Kristínu Báru skvísu og Hönnu pæju. Við kíktum á Vegó og á Ölstofuna síðan enduðum við í Þjóðleikhúskjallaranum en þar voru einhverjar leifar frá íslensku tónlistar verðlaununum. Ég er ekkert smá ánægð með mína menn í Hjálmum að vinna verðlaun... Þeir eru alveg frábærir. Vann ekki Jagúar eitthvað líka... Ánægð með þá líka, þeir eru rosalega góðir, allavegana betri en James Brown... það geta allir staðfest sem fóru á tónleikana í sumar.

Á föstudaginn fórum við til Sigga Palla og Dóru dúlluað borða sushi en þau eru sushi Meistararnir, með stóru M... Ef ég þekki Braga minn rétt er hann orðinn spesíalisti bara af því að fylgjast með þeim nokkrum sinnum. Eftir síðustu sushi færsluna mína eru nebbla allir að biðja mig um að verða boðnir í sushi.

Á laugardaginn fór ég á Million Dollar Baby með Birgittu pæju, ég ætla ekkert að tala um það því þetta er þannig mynd. Ég ætla nú samt að segja frá því að hún var rosalega vel leikin og hún var ekki alveg eftir íþróttamynda formúlunni.

Á sunnudaginn var ég að hjálpa Helgu tískudrottningu að mála nýju sætu íbúðina sína. Sérstaklega naut ég þess að mála herbergið hennar Júlíu Heiðar babybleikt. Ýkt dúlló. Síðan komu Baldur og Ásdís í heimsókn, Bragi eldaði lúðu og bleikju sem heppnaðist rosalega vel síðan spiluðum við spurningaspil sem þau komu með og Hættuspilið... og ég vann í hættuspilinu jibbí jei... mér finnst svo gaman þegar ég vinn ;)

Núna er svo barasta komin ný vika og akkúrat mánuður í að ég verði officially gömul og það gleður mig ekki.

Hinsvegar þarf Sigrún voffastelpa ekki að hafa áhyggjur af því, hún er nebbla bara 17 ára í dag og verður því ekki gömul fyrr en eftir 8 ár.

TIL HAMINGJU SÆTA :)