Akureyri

Við Bragi áttum æðislega helgi á Akureyri um helgina. Við brunuðum strax eftir vinnu á föstudaginn, komum við á bænum Háls í Öxnadal en þar var einmitt Sigurrós að spila á útitónleikum. Þeir voru algjör snilld í þessum fallega dal. Þar var gamall sveitabær og á honum var selt fullt af gömlu dóti, ávextir og svo auðvitað kaffi og bjór. Á túninu þar sem þeir voru að spila var svo varðeldur og allir sátu á teppum í grasinu í góða veðrinu. Eftir tónleikana drifum við okkur á Akureyri.

Við fórum á sýningu með verkum Louisu Mattíasdóttur í listasafni Akureyrar, hún var rosalega skemmtileg. Kíktum í búðir og sátum á útikaffihúsi í sólinni. Síðan fórum við í jarðböðin við Mývatn, auðvitað í Brynju ís og svo út að borða á Kaffi Karólínu sem er staður sem ég get hiklaust mælt með. Við fengum okkur höfrunga carpaccio í forrétt og svo fékk ég mér steinbít og Bragi fékk sér saltfisk. Í eftirrétt fékk ég mér súkkulaði suffle. Eftir matinn fórum við á tónleika með tónlistarmanninum Bela. Mig langar að vera veitingahúsagagnrýnandi. Ég yrði örugglega ekkert góð í því en samt örugglega geggjað skemmtilegt starf.

Flott dóterí

Ég hef svo gaman af flottum húsgögnum og innanhússarkitektúr. Ég var komin með rosa safn í tölvuna mína af inspirerandi myndum og ákvað að setja hluta þeirra á netið til að deila með ykkur.

Sumar eru bara flottar, aðrar eru kannski með einum eða tveimur flottum hlutum sem mig langar í og aðrar eru svona frekar "raunhæfar".

Hér er t.d. Tufty Time sófinn frá B&B Italia sem mig dreymir um.

Myndir frá Spáni